Lu Nut du May

Ref.: Oh, quél bèl nut' quul'nut' du may

Qwand qu'on-z-a l'bonheur d'èsse aimé

Oh! quél bèl nut' quu l'nut du may

qwand qu'on-z-a l'bonheur d'èsse aimé.

I fait tranquille, lu ci est bê

O sès manèdges on h'ôt nou brut

Avâ les tchamps lès p'tits oûhès

Su r'pwasèt quéquès heûres ossu

Nos aut's nos frohans bwès èt hayes

Po trover one cohe bèle assez.

Nos v'nans tot pleins d'djoye èt d'amour

Planter l'âbe à ciss quu n's-aimans

Tot chawant n'sintons bate nosse coûr

Et  tot trolant douzmint n'tchantans

N'sohaitans qu'çoula li ahaye

Espérant d'èsse ruscompinsé.

So l'timps quu n'tchantans, noss maitrèss

Su duspiète, su r'liv' tot do^cmint;

Ell' vint lûtchl podrl l'finlèss

Elle a l'timps long d'èsse à matin

Et tot's nos pônes èll' nos lès r'paye

Tot nos d'jurant fidélité.

Oh, quél bèl nut'quu l'nut' du may

Qwand qu'on-z-a l'bonheur d'èsse aimé...